Visto para sentenza o terceiro xuízo contra López Ratón, acusado de agresión sexual

Por terceira vez, quedou visto para sentenza en Ourense o xuízo contra o exporteiro do Zaragoza Álvaro López Ratón, acusado de agredir sexualmente unha moza do Carballiño no San Xoán de 2018.

Nas dúas ocasións anteriores, o futbolista quedou absolto pero a Audiencia Provincial ordenou repetir os xuízos por non estar suficientemente argumentadas as sentenzas.

Nesta nova sesión, e tras cinco anos de dilación, a Fiscalía rebaixou a pena que solicita, de dous a un ano de cadea. O futbolista nega os feitos e o seu avogado acusa a presunta vítima de denuncia falsa.