Zapateiro: un oficio que esmorece nas cidades e vilas pero que se resiste a desaparecer

Cambiando tapas, cosendo ou devolvendo a forma a uns zapatos gastados polos uso son algúns dos arranxos habituais no taller de Toño Blanco, que leva 23 anos dedicado a este oficio en Ourense.  Un multiservizo que fai que os zapateiros resistan malia o paso do tempo e o cambio dos hábitos de consumo. Porque aínda hai moita xente que quere alongar a vida dun par de zapatos. 

Toño Blanco Pérez conta que o problema é que moita xente quere manter uns zapatos que son de baixa calidade, e ás veces sae máis caro o arranxo. Pero Toño tamén axuda a manter un bo par de zapatos. O oficio vai esmorecendo pola falta de remuda xeracional, pero resístese a desaparecer, porque di que traballo non falta.  

E a mellor satisfacción para un artesán, di,  é que os clientes e clientas queden contentos co traballo ben feito.