Xove prepara 400 quilos de percebe nunha festa que vai pola décimo terceira edición

Desde ben cedo están os caldeiros prendidos para que a festa do percebe sexa un éxito. Nesta ocasión, van preparar 400 quilos. Trátase dunha cita gastronómica xa consolidada en Xove. 

O percebe actúa de embaixador, de representante da riqueza deste concello nunha festa que nesta ocasión alcanza a décimo terceira edición. Asegura o alcalde de Xove, Demetrio Salgueiro, que se trata dun produto "de primeirísima calidade".

Conforme se aproxima a hora da degustación, vanse organizando as ringleiras de público. Sen dúbida, é unha festa con sabor a mar.