Xornada de praia nas Rías Baixas e de moita calor no interior

Nalgunhas zonas de Galicia viven estes días unha sorte de verán adiantado. En Ourense quedaron as portas dos 33 graos, unha temperatura moi similar a rexistrada noutras localidades da provincia como Leiro ou Arnoia. 31 graos houbo en Vilamartín de Valdeorras ou Castrelo de Miño. 

"Aquí, chégalle ben, isto é un forno, xa o sabemos todos". "Estas temperaturas tiñan que ser en xullo ou en agosto". "Colleunos un pouco de imprevisto." Comentan os ourensáns.

Foi a de hoxe unha xornada moi calorosa, especialmente no interior, pero é que nalgunhas zonas de costa como por exemplo as Rías Baixas, puideron gozar dun fermoso día de praia. 

"A auga está fría, pero pasear está mellor ca no verán". "Nin o Caribe nin por aí fóra, estamos aquí encantados". "Hai que bañarse, tomar o refresco, e así se pasa unha fin de semana aquí en Cangas, por exemplo", din algúns bañistas. 

As temperaturas irán baixando progresivamente nos vindeiros e só Ourense seguirá rexistrando máximas por riba dos trinta graos.