Xiro no caso de Esther López: rexistran a casa do home que a viu con vida por última vez en Traspinedo

O caso de Esther López, a moza de Traspinedo que apareceu morta nunha beiravía, dá un novo xiro.

A Garda Civil rexistrou este sábado a vivenda familiar de Óscar, un veciño de Traspinedo, co que Esther estivo a noite da súa desaparición. Previsiblemente tamén serán rexistrados os seus negocios familiares en Valladolid.

Esta semana tamén se volvía inspeccionar o vehículo do mozo na busca de restos de ADN da falecida. A hipótese de que Esther foi atropelada queda en suspenso e Óscar volve ser apuntado como principal sospeitoso da desaparición e morte da moza.