Ximo, baixa por unha lesión no isquiotibial dereito

Ximo Navarro pediu o troco na segunda metade do partido contra o Almería o pasado sábado tras sufrir unhas molestias na perna dereita. Tras as probas, os servizos médicos do Deportivo confirmaron que se trata dunha lesión no tendón proximal do isquiotibial da perna dereita.

O Deportivo non concreta os días que o andaluz estará afastado dos terreos de xogo. Segundo o propio informe, Ximo "estará uns días con tratamento médico e de fisioterapia antes de comezar a súa fase de readaptación física". A evolución do xogador marcará a súa volta aos adestramentos co grupo.