Xa hai menos de 600 persoas hospitalizadas en Galicia, mentres seguen diminuíndo os casos activos
As áreas sanitarias de Ourense e Lugo son as únicas que aumentan o número de persoas coa infección activa
O Sergas notificou cinco novos decesos por mor da covid–19
Os casos activos seguen baixando (-784) e deixan 33.355 persoas con coronavirus en Galicia.
Pola súa parte, os contaxios diarios mantéñense case igual respecto a onte e rexístranse 2.455 nas últimas 24 horas.
A repartición de casos novos detectados por probas diagnósticas nas distintas áreas sanitarias é a seguinte:
Repartición dos casos activos por áreas sanitarias:
A Coruña: 7.284 (-273)
Vigo: 7.025 (-311)
Ourense: 3.707 (+59)
Santiago: 5.871 (-159)
Lugo: 3.611 (+10)
Pontevedra: 3.732 (-86)
Ferrol: 1.728 (-23)
Canto á presión hospitalaria, esta continúa diminuíndo tanto nas UCI (-1) coma en planta (-25), e baixan os ingresos dos 600. En total, hai 598 hospitalizacións, 36 e 562 respectivamente.
Con todo, o Sergas notificou cinco decesos por mor da covid–19, que alzan a cifra a 3.061 falecementos desde o inicio da pandemia.
Mapas de incidencia por concellos
