Xa hai escaseza de vivendas turísticas para o verán na Costa da Morte
Xa hai escaseza de vivendas turísticas para o verán na Costa da Morte
Moitos aloxamentos de Corcubión, Fisterra ou Laxe colgaron o cartel de completo para xullo e agosto
Non só das Rías Baixas vive o visitante.
Ás portas dos meses fortes do verán xa hai escaseza de vivendas turísticas na Costa da Morte.
Particularmente para a primeira quincena de agosto, localidades coma Corcubión, Fisterra ou Laxe teñen colgado o cartel de completo en moitos aloxamentos.
Contra o clásico costume de reservar por meses, agora a tendencia semella ser alugar por días. Desta maneira os propietarios sacan maior rendemento.
Por exemplo, en Laxe un ático con vistas á praia para tres persoas anda polos 150 euros ao día. Un exemplo máis da demanda nesta costa.
Apuntan tamén na Costa da Morte que a oferta é menor, xa que moitos dos que antes viñan de vacacións acabaron optando por mercar vivenda como segunda residencia.