WhatsApp permitirá saír dos grupos en silencio
WhatsApp permitirá saír dos grupos en silencio
Os abandonos dos participantes só se notificarán aos administradores dos chats grupais
A plataforma de mensaxería instantánea WhatsApp estuda habilitar unha función para permitir abandonar os grupos sen que os demais participantes se decaten.
Segundo a aplicación, que a fuxida se faga de xeito silencioso vai beneficiar a comunidade de usuarios, dado que se viñan manifestando queixas por, digamos, situacións incómodas producidas ao saír das conversas. Só a persoa ou persoas que leven a administración dos grupos recibirán a notificación dos abandonos.
Xa que usamos o móbil para case todo aumentan os grupos de conversas en que participamos. Os chats grupais poden acabar sendo unha molestia porque esixen atención constante e respostas inmediatas. Saír deles tamén pode ser un problema.
Para superar esa dependencia, o primeiro é desatender o móbil e priorizar as emocións propias. Desde que o uso das redes sociais é intensivo, os cadros de depresión e de ansiedade aumentaron un 70 % nas consultas dos especialistas.