Volven as verbenas sen restricións

O presidente da Asociación de Servizos de Festas de Galicia, José Veiga, asegura que a Xunta se comprometeu a deixar sen efecto este mes o protocolo de espectáculos musicais ao aire libre. Esa norma limita o acceso ás pistas de baile e ás cantinas, entre outras cuestións. 

José Veiga celebra o levantamento desas restricións porque, segundo asegura, facían inviable celebrar unha verbena de forma legal. Con ese cambio previsto, Veiga anima as comisións de festas a empezar xa a xestionar as contratacións.