Vilanova de Arousa despide o Entroido co desfile do Momo

A comarca do Salnés despediu as celebracións do Entroido coa Festa do Momo en Vilanova de Arousa. aproveitando o bo tempo, unha multitude de visitantes e veciños acompañaron a vintena de comparsas que integraban o desfile polas rúas da vila arousá.

O centro de todas as miradas foi un ano máis o Momo, unha figura referente a algún personaxe de actualidade e que acaba queimándose nunha cacharela no paseo marítimo. Festa, música e moita diversión encheron os festexos para dicir adeus ao entroido ata o ano que vén.