Vigo impoñerá unha nova multa de 50.000 a Ryanair por "incumprir" o contrato de promoción turística

O Concello de Vigo impoñerá unha nova multa de 50.000 euros á aeroliña Ryanair por "incumprir" o contrato de promoción turística pactado co Goberno local.

Nun audio enviado aos medios de comunicación, o alcalde, Abel Caballero, lamentou que a compañía "incumprira" o contrato asinado, polo que se lle imporá unha sanción de 50.000 euros.

Esta multa súmase á anterior de máis de 17.000 imposta no principio do ano á aeroliña. Neste caso foi debida a que Ryanair eliminou varios voos subvencionados polo Goberno local, reducindo de tres a dous os voos semanais que unían a cidade de Vigo con Londres, vulnerando así o acordo asinado co Concello.