Vicente Irisarri, exalcalde de Ferrol: “Agora os meus horarios márcanos as mareas”

No Zona mixta da Radio Galega foron ata Ferrol. Este venres presentan no Museo do Surf de Valdoviño o Manifesto para a Protección das Ondas, sobre a necesidade de conservar as rompentes de surf como patrimonio natural. Falaron co ex alcalde Vicente Irisarri, surfista consumado e amante do mar.

Galicia e o surf gañan á política

"Galicia é unha marabilla á hora de elixir onde practicar este deporte: hoxe tocou Esmelle. O peor baño é o que non das".

"Os meus horarios xa non o marca a política senón as mareas e os ventos. Cheguei a unha idade con boa saúde e sen obrigas. Organizo os días como me parece segundo como está o tempo para practicar o surf".

O verme do surf

"Ata mediados dos 70 non se conseguían táboas para practicar o surf. Entón entrounos o veleno do surf e pica moi forte. Cando era alcalde atopábame cun veciño pola rúa e dicíanme: 'Aquel farol non alumea' e eu dicíalles, pensando xa no surf, 'déixenme en paz, déixenme gozar'!!!"

Respecto á natureza

"Galicia xa non necesita promoción ou marketing nisto do surf, o que fai falta agora é conservar a natureza, o bo estado dos océanos, non estragar as rompentes con espigóns ou obras civís, factorías con veleno. Diso falaremos o venres".

"Respectar a natureza desde cada un é moi doado: non deixar lixo nas praias, cando chegamos a un sitio coidar da contorna tanto como as autoridades. O peor para o surf sería estragar a contorna natural. 

"Necesitamos infraestruturas. O surf non atura ben as masificacións. Non pode haber 200 persoas nun alto, se tes que cambiar de praia, cambias".

Vicente Irisarri coa súa filla nunha foto familiar de arquivo