Veciños do barrio ferrolán de San Xoán denuncian o afundimento dunha beirarrúa

Os veciños do número dous da rúa de San Pedro, no barrio ferrolán de San Xoán, din que levan anos vivindo un auténtico pesadelo por mor do estado que presenta a beirarrúa e a calzada que teñen diante do seu portal. 

Aseguran que cada ano, por razóns que aínda descoñecen, se vai afundindo un pouco máis, ata o punto de superar xa os trinta centímetros. Falan das consecuencias que isto trae consigo: inundacións no garaxe e ata a rotura de tubaxes que nalgunha ocasión os deixou sen gas durante varios días.

Por iso piden que se tomen medidas urxentes antes de que se produza unha desgraza maior.