Uzal: "Queriamos continuidade dalgúns xogadores, pero tomaron outras decisións"
Para o director deportivo do Leyma, os favoritos son "Estudiantes, Palencia, nós, e Obradoiro... sobre todo"
Charlie Uzal, director deportivo do Leyma, ofreceu a primeira conferencia de prensa do club tras o comezo da pretemporada do Básquet Coruña, onde confirmou que se xogarán seis ou sete partidos (dependendo se se clasifican para a final da Copa Galicia). Referiuse á confección do equipo.
"Queriamos continuidade dalgúns xogadores, non de todos, pero por algún motivo ou por outro, decidiron tomar outras decisións. (Beqa, Aleix e Olle)".
Uzal tamén falou dos seus favoritos para o ascenso
"A xente fala por nivel orzamentario de equipos como Estudiantes, Palencia, nós, Obradoiro... sobre todo".
"E hai equipos dos que non se fala cos que hai que ter coidado".
A intención do Leyma é xogar os seus partidos os venres ás 20:45.
