Unha estrutura feita con vimbio dará sombra á beira do lago das Pontes
Unha estrutura feita con vimbio dará sombra á beira do lago das Pontes
A cesteira Julia de la Cal foi a que ideou a proposta
Esta fin de semana desenvolveuse nas Pontes un obradoiro para crear unha pérgola vexetal.
Situada a carón do lago, este ornamento vivo e feito de vimbio garante sombra e acubillo durante moitos anos.
O sábado pola mañá aquí apenas había terra vexetal e boas intencións. Pero ao rematar a fin de semana, a proposta fíxose real, e xa está creada a infraestrutura vexetal deste acubillo.
A cesteira Julia de la Cal foi a que ideou unha proposta que despois artellaron entre todo o voluntariado que se animou a colaborar durante a fin de semana.
Para facer a estrutura empréganse diferentes tipos de vimbio. As xuntas tamén están xunguidas con este material. Nuns meses, as follas completarán o traballo de dar acubillo e sombra á beira do lago.
