Urxen melloras na iluminación da Rolda Norte de Lugo
Demandan máis luminarias nas rotondas de conexión coa autovía A-6 e a estrada da Fonsagrada
Uns 20.000 vehículos circulan a diario por esta estrada do Estado construída hai 25 anos
Condutores e veciños dos barrios lucenses da Fervedoira e A Campiña piden a reposición de luminarias e a colocación doutras novas para mellorar a seguridade viaria da Rolda Norte, unha infraestrutura do Estado construída hai case 25 anos.
"A visibilidade é ridícula, creo que a gastaron toda en Vigo", di con retranca un dos veciños.
Os usuarios destacan que a iluminación "é moi pouca, case nin se ve".
Poñen o foco na deficiente iluminación pública nas rotondas de conexión coa autovía A-6 e a estrada da Fonsagrada.
Unha veciña da Campiña asegura que "entras na autovía nesa zona e non hai luz ningunha e se vas cara a Meira estamos ás escuras".
Uns 20.000 vehículos diarios circulan pola Rolda Norte, un dos principais accesos a capital lucense, a zonas industriais e o Hospital Universitario Lucus Augusti.
As queixas pola escasa iluminación os residentes en San Salvador de Muxa engaden problemas como inundacións e carencia de pasos de peóns.
"Puxeron un, pero é que hai nenos que collen o bus escolar e bus urbano. Cando chove inundámonos e iluminación, ningunha".
"Baixan do HULA ás tres da tarde, saes pola vía de servizo para incorporarte á estrada e estás quince ou vinte minutos".
"Para ir a Lugo tes que ir sorteando os coches".
Urxen o Ministerio que interveña para mellorar a seguridade dos usuarios dunha das estradas con maior tráfico da capital lucense.
