Un dispositivo con drons busca unha muller de 53 anos desaparecida en Lalín
A muller reside na rúa Areal, onde o seu marido botouna en falta a última hora do día. Vestía xersei azul de colo alto, cazadora, pantalón gris e botas negras.
Un amplo dispositivo, que inclúe drons, busca unha muller de 53 anos desaparecida en Lalín (Pontevedra), Clotilde Teixeira.
Segundo informa o 112 Galicia, preto da medianoite entre o luns e o martes, un familiar alertou de que viran a muller por última vez ao mediodía e que adoitaba saír camiñar pola zona.
Deste xeito, activouse un operativo coordinado pola Garda Civil e no que participan, ademais dos drons da Axencia Galega de Emerxencias (Axega), o Grupo Especial de Localización e Rescate (GERL) da ONG Intervención, Axuda e Emerxencias, o servizo municipal de Protección Civil de Lalín e os voluntarios de Protección Civil de Agolada.
Pola súa banda, o Concello de Lalín explica que a muller reside na rúa Areal, onde o seu marido a botou en falta a última hora do día. Vestía xersei azul de colo alto, cazadora, pantalón gris e botas negras.
