Unhas setenta persoas xúntanse todos os domingos para correr na Coruña

Os domingos a fonte dos surfistas da Coruña é punto de reunión para un grupo cada vez máis numeroso de deportistas que queda para correr e socializar.

A artífice do encontro é Adele, unha adestradora persoal italiana que decidiu crear un club de running para coñecer xente nova e compartir un estilo de vida saudable.

O primeiro día apenas eran dez corredores, pero a proposta foi sumando adeptos e agora hai domingos que se xuntan case oitenta.

"Eu levo un mes correndo e vino como unha oportunidade. Correr soa ás veces é aburrido e non e  te comprometes tanto", comenta Raquel, que coñeceu a existencia do club a través das redes sociais.

Móveos o deporte, pero tamén as ganas de coñecer xente coas mesmas afeccións e intereses. O club está a piques de cumprir un ano, doce meses de carreira compartida polo paseo marítimo da Coruña que propiciou novas amizades

"É un plan social que lle permite á xente coñecer novas persoas facendo unha actividade conxunta, na que as conversacións xorden de forma máis espontánea", explica Adele Webber, fundadora de Run de Coast Coruña.

"Fas deporte, liberas endorfinas e socializas con xente que ten os mesmos intereses ca. Eu son unha persoa moi sociable e gustoume a posibilidade de coñecer xente nova", comenta Paula, que leva poucos meses correndo.

A maioría teñen entre vinte e cinco e trinta e cinco anos, pero Run the Coast Coruña é para calquera que estea aberto a unha experiencia que non remata ao completar os quilómetros do percorrido.

Superado o reto, toca compartir almorzo e conversas ao redor dunha mesa ben provista de viandas.