Uns nenos atopan un cadáver en Cantabria mentres xogaban

Uns nenos atoparon por casualidade o cadáver dun home cando xogaban cunha aplicación que ofrece aventuras a través de coordenadas xeográficas.

O corpo estaba nunha parcela abandonada en Santoña, en Cantabria, no medio de roza e entullos.

O home falecido ten uns 50 anos, estaba tombado boca abaixo e non presentaba signos de violencia, aínda que hai que practicarlle a autopsia. 

A Garda Civil está a investigar a causa deste falecemento.