Unha persoa resulta ferida tras envorcar un coche nun accidente na A-55 en Mos

Unha persoa resultou ferida na tarde deste mércores tras un accidente en que un coche terminou envorcado no concello de Mos.

Segundo informou o 112 Galicia, o sinistro tivo lugar pasadas as 16:30 horas na A-55, ao seu paso pola parroquia de Petelos.

Foi un particular o que chamou os servizos de emerxencia, alertando de que podería haber persoas atrapadas dentro do vehículo.

O Centro Integrado de Atención ás Emerxencias deu aviso aos bombeiros, á Policía Local, ao GES de Mos e ao 061.

Os profesionais sanitarios informaron de que todos os ocupantes do coche puideron saír do automóbil, sendo necesaria asistencia médica para unha persoa.