Unha muller de avanzada idade en estado crítico por un incendio nun piso en Vigo
Dez minutos antes das 15 horas, distintos particulares alertaron o 112 Galicia e que explicaron que ardía unha vivenda nun edificio da rúa de Venezuela
Unha muller de avanzada idade foi trasladada ao hospital en estado crítico por un incendio nun piso en Vigo.
Dez minutos antes das 15 horas, distintos particulares alertaron o 112 Galicia e que explicaron que ardía unha vivenda nun edificio da rúa de Venezuela, en Vigo.
🔴 #AXEGAInforma dun incendio nun piso en #Vigo.
— 112 Galicia (@112Galicia) May 30, 2026
📍 Rúa de Venezuela.
➡️ Unha muller de avanzada idade foi trasladada en estado crítico ao Hospital Álvaro Cunqueiro.
🔗 https://t.co/te0vrhRqJP pic.twitter.com/tkbSIQYOXY
Os alertadores sinalaron que vían lapas e os corredores do edificio estaban cheos de fume. Tamén, que crían que no interior do piso había unha persoa que non podía saír.
De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, dos Bombeiros e da Policía Nacional e Local de Vigo.
O incendio comezou nunha habitación da sexta planta, aínda se descoñecen as causas.
Urxencias Sanitarias de Galicia confirmou que evacuaron unha muller de avanzada idade en estado crítico ao Hospital Álvaro Cunqueiro. Ademais, tiveron que desaloxar aos veciños debido ao fume.
O lume está xa apagado.
