Unha galega con cancro de mama presenta 55.000 sinaturas para que se adiante a primeira mamografía
Entregará as firmas no Ministerio de Sanidade para reclamar que aos 40 anos xa se faga a primeira mamografía preventiva
Pide que a idade na que se realiza esta prueba se iguale en todas as comunidades autónomas
María Varela, promotora da campaña. Change.org
A galega María Varela, diagnosticada dun cancro de mama metastásico, presentará este mércores no Ministerio de Sanidade máis de 55.000 sinaturas, que recolleu a través de chamnge.org, para pedir o adianto aos 40 anos de idade da primeira mamografía preventiva.
No acto, Varela estará acompañada doutras tres mulleres enfermas de cancro de mama con 30, 31, e 46 anos.
"Se a min me tivesen feito probas antes, o cancro o terían detectado a tempo e quizais tería unha opción de curarme. Coñezo a moitas mulleres que foron diagnosticadas con corenta e pico anos, como eu, ou mesmo máis novas".
A través da súa recollida de sinaturas chegáronlle máis de 120 testemuños de mulleres ou familiares que aseguran ter vivido o diagnóstico de cancro de mama antes dos 45.
Con esta iniciativa, María Varela pretende que se iguale a idade da primeira mamografía en todas as comunidades autónomas.
"Actualmente nalgunhas comunidades a primeira mamografía é aos 50, noutras aos 45, nalgunha é aos 40 no caso de que existan riscos previos, noutras están estudando reducilo pero aínda non o fixeron. Chegar a tempo para curarse non pode depender de onde vivas", engade.
