Unha forte tormenta causa un apagamento xeral en Lugo

A cidade de Lugo quedou ás escuras esta madrugada despois dun gran trebón acompañado de raios. En Galicia descargaron máis de 2.000 raios en 24 horas, e a consecuencia en moitos lugares foi a perda da subminstración eléctrica, como ocorreu na Cidade das Murallas.

Pasada a medianoite Lugo quedou ás escuras totalmente. A subministración foise recuperando aos poucos. O alumeado público e a rede semafórica foi a que tardou máis en volver á normalidade, e de feito a primeira hora da mañá aínda había problemas nalgunhas rúas do sur da cidade.