Publicador de contidos
Publicador de contidos

Unha fuga de gas no Barnabeu provoca un monumental atasco polo peche ao tráfico da Castellana

Unha fuga de gas no Barnabeu provoca un monumental atasco polo peche ao tráfico da Castellana

O corte entre a praza de Lima e a de Castela prolongouse durante hora media e deixou centos de condutores atrapados no momento de maior afluencia de tráfico

O escape afectou tamén unha das liñas de metro madrileño

G24.gal 21/05/2024 14:10

Unha fuga de gas no Bernabeu provocou esta mañá un monumental atasco no centro de Madrid, xa que obrigou a pechar ao tráfico, durante hora e media, o paseo da Castellana.

O escape afectou tamén a unha das liñas de metro madrileño. Unha fuga de gas provocada pola rotura dunha tubaxe no aparcadoiro do estadio Santiago Bernabeu, que está en obras, obrigou a pechar ao tráfico o paseo da Castellana, unha das principais arterias de Madrid.

“Era un escape de gas importante. Estaba unha construtora facendo unha pilotaxe para ampliar unhas zonas de aparcamento”.

O corte entre a praza de Lima e a de Castilla prolongouse durante hora media e deixou centos de condutores atrapados no momento de maior afluencia de tráfico. O monumental atasco condicionou durante boa parte da mañá a entrada a Madrid pola zona norte.

“Por precaución, pechouse a Castellana entre Novos Ministerios e praza de Castilla, aínda que xa está aberta. Pero tamén se pechara o paso de peóns entre a praza de Cuzco e a de Lima, pero tamén está aberta”.

O escape de gas afectou tamén á liña 10 do metro madrileño, que tivo que interromper o servizo entre as estacións de Cuzco e Novos Ministerios. Ás dez e media da mañá a zona da Castellana recuperaba a normalidade ao quedar restablecido tanto o tráfico de vehículos por superficie como o servizo de metro.

Publicidade
Publicidade
Publicidade
Publicidade
Pódeche interesar