Unha ducia de asaltantes golpean e ameazan a Policía Local e a Ertzaintza de Azpeitia, Guipúscoa

Unha ducia de persoas asaltaron a pasada madrugada as instalacions da Policía Local nas dependencias do Concello de Azpeitia, en Gipúscoa.  Os dous axentes que estaban nas instalacións, cando tentaban contelos, recibiron insultos, ameazas de morte e golpes que puxeron "en risco a súa integridade e a súa vida".

O ataque produciuse despois de que unha patrulla identificara e sancionara a un mozo por realizar unha pintada no mobiliario urbano, por deslucimento de bens públicos, segundo informa o Departamento de Seguridade.

Sobre as 02:30 horas da pasada madrugada, axentes da Udaltzaingoa, Policía Local, acudiron a unha actuación xunto ao Gaztetxe da localidade, onde comezaron a ser increpados por varios mozos ao berro de 'txakurrak' (cans), co que iniciaron unha fustrigación que foi a máis.

Segundo o relato de Esan, minutos despois, xa nas súas dependencias da Praza Txikia, dous axentes da Udaltzaingoa, Policía Local, foron vítimas dunha acción violenta "sen precedentes", cando varios mozos chamaron ao timbre, e ao abrir a porta tres individuos accederon ao interior, seguidos dunha decena máis.

O sindicato Esan, maioritario na Policía Local de Azpeitia, denunciou nun comunicado esta "gravísima agresión" aos axentes. O sindicato denunciou tamén que as instalacións carecen de cámaras de vixilancia, a pesar das reiteradas solicitudes por parte de ESAN ao Concello.

Os mozos proferiron insultos, ameazas de morte e trataron de forzar o paso á zona interior da comisaría. Os axentes, superados en número, víronse obrigados a conter fisicamente aos agresores, e recibiron golpes e ameazas, polo que foi necesario solicitar reforzos urxentes á Ertzaintza.

Patrullas de varias comisarías mobilizáronse mentres máis de 200 persoas concentrábanse nas inmediacións, o que agravou aínda máis a situación, e un dos agresores foi identificado para a súa imputación tras golpear a unha ertzaina cun vaso, causándolle lesións.

 A rapazada non se dispersou ata que interviu un concelleiro. Finalmente dous axentes da Ertzaintza resultaron feridos. Xa se abriron dilixencias para trasladalas ao xulgado. O Goberno Vasco condeou estes altercados e pediu á sociedade vasca que condee este tipo de feitos.

Ante estes feitos "inadmisibles", Esan esixiu unha condena "pública, clara e sen ambigüidades" por parte da alcaldesa, de EH Bildu, e do equipo de goberno do Concello de Azpeitia, o respaldo xurídico e médico inmediato aos axentes agredidos e que o consistorio compareza como acusación particular para garantir que estes feitos non queden impunes.

Os sindicatos ErNE e Euspel expresaron tamén nas redes sociais a súa repulsa e condena ante estes feitos, así como o seu apoio e solidariedade cos axentes afectados. Segundo ErNE, é necesario "recuperar o principio de autoridade e para iso é fundamental o labor dos políticos e os xuíces".

A alcaldesa de Azpeitia, Nagore Alkorta, de EH Bildu, trasladou o seu apoio aos axentes de Policía Local e engadiu que consideraba que "o despregamento da Etzaintza fora desproporcionado". Explicou tamen que o Concello traballa para "esclarecer as causas" de porqué "había  unha presencia inusual de ertzainas" desde o sábado pola mañá na localidade.