Dúas persoas mortas nun accidente no Pino tras irse da estrada o coche
O coche chocou contra unha medianeira
Accidente mortal no concello coruñés do Pino. Un coche foise por fóra da vía e bateu coa medianeira. O accidente produciuse na estrada A-54, no quilómetro 75 en dirección Arzúa. Foron varios particulares os que deron a voz de alarma.
🔴 #AXEGAInforma dunha saída de vía que deixou dúas persoas falecidas no Pino.
— 112 Galicia (@112Galicia) September 14, 2025
📍 Km. 75 da A-54.
➡️ O coche colidiu contra a medianeira e o persoal de Urxencias Sanitarias de Galicia-061 só puido confirmar o pasamento dos dous ocupantes do vehículo.
🔗 https://t.co/LowNNXGVUg pic.twitter.com/7USCzR8sFJ
O accidente obrigou a cortar a estrada mentres non se retirou o vehículo. O accidente produciuse ás 14:32 horas deste domingo.
Os primeiros avisos apuntaban a que dúas persoas podían estar atrapadas no vehículo, pero cando chegaron os equipos sanitarios do 061 xa nada puideron facer pola súa vida.
No operativo participaron os profesionais de Urxencias Sanitarias de Galicia-061, Bombeiros de Arzúa, Garda Civil de Tráfico e os servizos de mantemento da estrada.
Unha vez no punto, os equipos de emerxencias comprobaron que os implicados estaban inconscientes e, a pesar dos esforzos, o persoal sanitario só puido confirmar o falecemento das dúas persoas.
Os Bombeiros encargáronse da limpeza da vía para restablecer as condicións de seguridade na circulación.
A central de emerxencias tamén alertou aos profesionais do Grupo de Intervención Psicolóxica en Catástrofes e Emerxencias (GIPCE), do Colexio Oficial de Psicoloxía de Galicia, por se fose necesaria a súa intervención.
Momento da retirada do coche accidentado da autovía
