Morre un traballador que manexaba unha pa cargadora tras caer por un terraplén
O accidente produciuse no lugar de San Vicente de Leira, no concello ourensán de Vilamartín de Valdeorras
A vítima é un home de 36 anos e residente no Barco
Foi un compañeiro o que alertou o 112 do fatal accidente
Un traballador faleceu este sábado tras caer por un terraplén mentres conducía unha pa cargadora no municipio ourensán de Vilamartín de Valdeorras. O accidente laboral produciuse mentres a vítima estaba a trasladar de material, pouco despois das 13:00 horas deste sábado, no lugar de San Vicente de Leira. A vítima é un home de 36 anos, residente no Barco.
Foi outro empregado da empresa quen avisou o 112 Galicia, indicando na súa chamada que o home podería estar morto. Inmediatamente, o 112 informou o Servizo Galego de Emerxencias Sanitarias-061, o Corpo de Bombeiros e Salvamento de Valdeorras, a Garda Civil e Protección Civil.
Unha vez no lugar dos feitos, os equipos de emerxencia só puideron confirmar o falecemento do traballador.
