Unha muller duns 70 anos falece afogada na praia de Broña, en Outes
Era veciña de Noia e estaba a refrescarse cando o seu corpo apareceu aboiando boca abaixo nunha zona pouco profunda
Unha muller duns 70 anos, veciña de Noia, faleceu este domingo afogada na praia de Broña, na parroquia de Santo Cosme de Outeiro do concello coruñés de Outes, segundo informou o servizo de atención a emerxencias 112 Galicia.
Os socorristas retiraron o corpo da falecida da auga, pero non puideron facer nada por salvarlle a vida.
A muller estaba acompañada da súa filla. O seu corpo apareceu aboiando boca baixo nunha zona onde facía pé, polo que puido sufrir unha indisposición antes de caer na auga.
Ata o lugar do incidente desprazáronse axentes da Garda Civil, efectivos de Urxencias Sanitarias de Galicia-061 e membros do Grupo de Emerxencias Supramunicipais (GES) de Noia.
🔴#AXEGAInforma dunha muller falecida en Outes.
— 112 Galicia (@112Galicia) June 21, 2026
📍 Praia de Broña, San Cosme de Outeiro.
➡️ Os socorristas sacaron á muller da auga pero nada puideron facer por salvarlle a vida.
🚨 Urxencias Sanitarias de Galicia-061, @guardiacivil, #GES de Noia. pic.twitter.com/WiW7lWBPde
