Un tremor de 6,9 graos derruba un trito da gran muralla chinesa

Un tremor de 6,9 graos derrubou unha sección de dous metros da gran muralla chinesa. O sismo produciuse o pasado sábado, pero os danos ocorridos no monumento non se coñeceron ata agora.

O treito derruído está na provincia de Gansu, a máis de cen quilómetros do epicentro do sismo.

A parte derrubada data da dinastía Ming. A zona está asegurada provisionalmente e, segundo as autoridades, xa comezaron os traballos de reconstrución.

O tremor produciu danos en máis de 200 vivendas, pero non houbo vítimas mortais.