Un tremor de 5 graos sacode Granada e provoca danos materiais
O sismo produciuse á 1:04 desta madrugada, con epicentro no municipio de Alhendín, a dous quilómetros de profundidade
As autoridades andaluzas pídenlles aoscidadáns que manteñan a calma, que eviten entrar e saír de edificios e que se afasten de fachadas, cornixas ou muros ante o risco de desprendementos
A Junta de Andalucía elevou a fase de emergencia a situación operativa 1 ante o risco sísmico en Granada
Imaxe do Instituto Xeográfico Nacional
Granada volveu tremer esta madrugada cun terremoto de 5 graos de magnitude e con epicentro en Alhendín (Granada), a só dous quilómetros de profundidade. Unha sacudida violenta que se produciu á 1:04 da madrugada, segundo informou o Instituto Geográfico Nacional (IGN).
O sismo prolongouse durante seis segundos e espertou a milleiros de granadinos, que saíron á rúa alarmados. O servizo de emerxencias 112 de Andalucía recibiu máis de 80 chamadas e constatou danos materiais, principalmente por desprendementos e fendas.
A Junta de Andalucía activou a fase de emerxencia en situación operativa 1 do Plan ante o Risco Sísmico en Granada. O goberno autonómico aconséllalle á poboación que manteña a calma e evite entrar e saír de edificios, manterse afastado de fachadas, cornixas, balcóns ou muros ante o risco de desprendementos.
É o cuarto tremor e o de maior magnitude que se rexistra nos arredores de Granada nas últimas horas. A sacudida sentiuse en varias provincias andaluzas.
Granada ha temblado con fuerza en la madrugada de este sábado tras registrarse un terremoto de magnitud cinco con epicentro en Alhendín. El seísmo, sentido en Granada capital y numerosos municipios del Área Metropolitana y de toda la provincia ha dejado daños materiales notables… pic.twitter.com/3spgzozlS2
— GranadaDigital (@granadadigital) August 14, 2026
.png)
