Un traballador morto e outro ferido nun accidente nunha plataforma elevadora en Ourense
O accidente produciuse nas obras das vías de ferrocarril que se están efectuando na localidade ourensá
Foi un particular o que informou, cara ás 10 horas, de que un operario quedara atrapado por unha peza da máquina cando se atopaba nun elevador e xa apuntou na chamada a posibilidade de que falecese
Un home de 45 anos morreu e outro resultou ferido este martes ao sufrir un accidente nunha plataforma elevadora en San Cibrao das Viñas, segundo o 112 Galicia. O accidente produciuse nas obras das vías de ferrocarril que se están efectuando na localidade ourensá.
Foi un particular o que informou, cara ás 10 horas, de que un operario quedara atrapado por unha peza da máquina cando se atopaba nun elevador e xa apuntou na chamada a posibilidade de que falecese.
Unha vez no lugar, os servizos sanitarios confirmaron a morte do traballador e atenderon a outro que sufriu unha lesión nunha perna. Os bombeiros tiveron que intervir para liberar o corpo do falecido. O Centro Integrado de Atención ás Emerxencias mobilizou a Urxencias Sanitarias de Galicia-061, a Garda Civil, os bombeiros do polígono de San Cibrao das Viñas e o GES do Pereiro de Aguiar.
O accidente non afecta á circulación de trens, xa que é unha nova liña.
