Falece un home tras quedar atrapado por unha máquina en Silleda
As persoas que se atopaban no lugar lograron liberar a vítima da máquina antes da chegada dos servizos de emerxencia
Ao chegar ao lugar do accidente, o persoal do servizo de Urxencias Sanitarias de Galicia-061 só puido confirmar o seu falecemento
Un home de avanzada idade faleceu este xoves en Silleda tras quedar atrapado por unha máquina de pitos. O accidente laboral rexistrouse sobre a once da mañá no lugar do Couto, na parroquia de Refoxos, segundo informou o 112 Galicia.
As persoas que se atopaban no lugar lograron liberar á vítima da máquina antes da chegada dos servizos de emerxencia. Ao chegar ao lugar do accidente, o persoal do servizo de Urxencias Sanitarias de Galicia-061 só puido confirmar o seu falecemento.
Desde a central de emerxencias tamén mobilizaron ata ese punto a axentes da Policía Local de Silleda e da Garda Civil.
