Un touro da Vega cornea gravemente un home de 67 anos

Un home de 67 quedou ferido de gravidade tras ser corneado por un touro durante os festexos do Touro da Vega, en Tordesillas. O animal saltou o valado e saíu do percorrido, creando momentos de pánico. Na súa fuxida tirou varios espectadores e foi cando escornou este home, que tivo que ser operado de urxencia nunha perna.

Ata dez persoas tiveron que ser atendidas por contusións. O touro foi logo anestesiado cun dardo tranquilizante e trasladado ata os currais.