O Ministerio de Transportes e Mobilidade Sostible levará a cabo un simulacro de actuación e coordinación para casos de accidente no túnel Pedra do Couto, situado na autoestrada AP-9F, dentro do termo municipal de Cabanas (A Coruña).
O incidente simulado consistirá no remolque dun vehículo avariado, que o equipo de primeira intervención retirará desde as bocas dos túneles.
Este simulacro axústase ao establecido no Real Decreto 635/2006, sobre requisitos mínimos de seguridade nos túneles de estradas do Estado.
Para facer o exercicio, cortarán o tráfico na calzada da AP-9F con sentido Ferrol desde as 20:00 horas deste mércores ata as 20:00 horas do xoves.
Durante este tempo, o tráfico con sentido á cidade de Ferrol circulará polo túnel correspondente á calzada contraria, o sentido á Coruña, que habilitarán para a circulación en ambos sentidos. Ademais, segundo indicou o Ministerio de Transportes e Mobilidade Sostible mediante un comunicado, os cortes e desvíos estarán debidamente sinalizados.
.png)
