Un Porriño con oito caras novas comeza a pretemporada
O club porriñés, que hoxe comeza a pretemporada no Municipal, contratou a pivote viguesa Prelchi, que se desvinculou do Elxe por motivos persoais hai unha semana
O Conservas Orbe Zendal Porriño vive hoxe o seu primeiro día de traballo do curso 2025/26. Por diante, seis semanas de pretemporada ata que a División de Honra comece a última fin de semana de agosto e logo nove meses de ardua competición para os que o equipo vermello debe prepararse o mellor posible nesta fase inicial da campaña.
E, a última hora, unha cara nova que en realidade é vella porque Carmen Prelchi volve á que foi a súa casa. Así é, a entidade louriñesa asinou á pivote viguesa, desvinculada do Elxe hai unha semana por motivos persoais que a obrigaban a regresar á súa cidade natal.
Nese escenario, o club que preside Abel Estévez moveuse para pechar a contratación dunha xogadora que no seu día foi clave no esquema de Isma Martínez e que volverá selo esta tempada se todo transcorre con normalidade.
🔴CORPO TÉCNICO 🔴
— Club Balonmán Porriño (@BmPorrino) July 21, 2025
Isma dirixirá unha tempada máis o noso equipo na Liga Guerreras Iberdrola ‼️
Inés estará como segunda adestradora e Xurxo levará a cabo a preparación física do equipo.
Claudia Blanco exercerá como delegada do equipo.#ilusionsrenovadas pic.twitter.com/a76TP3wsoR
