Un peón queda ferido grave ao ser atropelado en Sanxenxo
O accidente puido deberse a un descoido do condutor, que deu negativo nas probas de alchol e drogas
O ferido foi trasladado ao Hospital Montecelo cun golpe na cabeza
Un peón quedou ferido grave ao ser atropelado por un turismo na Avenida de León, no municipio pontevedrés de Sanxenxo.
Segundo informou o CIAE 112 Galicia, o accidente tivo lugar sobre as 08:00 da mañá deste xoves na parroquia de Padriñán. Ata alí acudiron os profesionais de Urxencias Sanitarias de Galicia-061, os axentes da Policía Local e os membros do GES de Sanxenxo.
Finalmente, o ferido foi trasladado ao Hospital Montecelo, en Pontevedra, cun golpe na cabeza.
Fontes municipais trasladaron que o accidente puido deberse a un descoido do condutor, que deu negativo nas probas de alchol e drogas.
Tanto o ferido como o condutor son veciños da localidade.
