Un novo terremoto, de 4,6, sacode Granada
O sismo produciuse a 5 quilómetros de profundidade, no mesmo municipio que rexistrou outro terremoto de magnitude 5 o sábado
O Instituto Xeográfico Nacional (IGN) rexistrou este martes un terremoto de magnitude 4,6 con epicentro en Alhendín (Granada), o mesmo municipio no que na madrugada do sábado se produciu outro sismo de magnitude 5 que provocou danos materiais na zona da Vega sur.
O novo terremoto foi detectado ás 10:37 horas, cun epicentro situado a cinco quilómetros de profundidade, segundo os datos facilitados polo organismo dependente do Ministerio de Transportes, Mobilidade e Axenda Urbana
Acaba de pasar en #Granada nuevo #terremoto de 4.7 #epicentro en #Alhendin a las 10.37 pic.twitter.com/yYrcuRJQsr
— Paxlex (@Paxlex1) August 18, 2026
A intensidade do tremor provocou que saltase a alerta de terremotos en Google en numerosos teléfonos e, posteriormente, rexistráronse varias réplicas.
Ante a situación, o Metro de Granada reduciu a valocidadae de circulación a 30 quilómetros por hora, mentres que a Policía Local pediu á poboación manter a calma seguir as medidas de autoprotección e evitar permanecer xunto aos edificios polo risco de caída de elementos.
