Un traballador morto en Santa Comba ao caerlle enriba un ferro
Os servizos de emerxencias trataron de reanimar á vítima, aínda que só puideron confirmar o seu falecemento
Na parroquia de Santa Sabiña en Santa Comba
Un home faleceu este mércores tras caerlle un ferro encima mentres traballaba na parroquia de Santa Sabiña en Santa Comba (A Coruña).
O 112 Galicia foi coñecedor deste accidente mediante un particular, arredor das 13:20 horas. Polo que indicou o alertador, non se atopaba atrapado.
De contado, os xestores do 112 Galicia informaron ao Servizo de Urxencias Sanitarias de Galicia-061, que mobilizou o helicóptero medicalizado con base en Santiago, á Garda Civil e á Policía Local.
🔴 #AXEGAInforma dun traballador falecido en Santa Comba.
— 112 Galicia (@112Galicia) September 10, 2025
📍 O Busto, na parroquia de Santa Sabiña.
➡️ Á vítima caéralle un ferro enriba.
🔗 https://t.co/yEaJBbYOV4 pic.twitter.com/VFImbztYjk
Os servizos de emerxencias trataron de reanimar á vítima, aínda que só puideron confirmar o seu falecemento.
.png)
