Falece un home de 89 anos atropelado en Verea

Unha persoa morreu este mércores tras sufrir un atropelo na localidade ourensá de Verea.

Segundo informou hoxe o 112 Galicia, a primeira chamada en relación con este suceso recibiuse no 112 Galicia ao redor das 06:05 horas, e nela un particular alertaba dun peón camiñando pola estrada OU-540 á altura do quilómetro 30.

O falecido é un home de 89 anos, veciño de Verea. Atopábase no carril do sentido decrecente no momento do atropelo, cruzando a vía por lugar non habilitado, segundo parece, paseando un can preto da súa vivenda. 

A condutora do turismo deu negativo nos controis de alcol e drogas.

O Xulgado de Instrución de Bande investigará o sucedido.