O alumno do ataque múltiple nun instituto de Xerez discutira con compañeiros que o acosaban

A agresión produciuse no transcurso da primeira clase do día neste instituto de Xerez. Un alumno de terceiro da ESO, armado con dous coitelos, feriu dous compañeiros e tres docentes. Unha  tivo que ser intervida dunha lesión nunha pálpedra. O profesorado desaloxou o centro mentres a policía detiña o presunto agresor e comezaba a investigar o móbil deste ataque múltiple.

"Axentes da Unidade de Familia e Muller, que levan tamén os detidos por ou contra menores, xa están investigando", explica o voceiro da Policía Naconal.

 Só transcendeu que o día anterior o presunto agresor tivera unha discusión forte con compañeiros que se metían con el. Nin a ANPA nin a dirección do centro sabían da existencia dun problema grave.

"Non consta que se abrira ou activara ningún tipo de protocolo de acoso", aseguraba a conselleira de Educación de Andalucía.

 O suceso causou consternación na comunidade educativa e moita preocupación entre os pais.

 "A verdade é que deixas o teu fillo tranquila porque cres que estas cousas nunca che van pasar", di unha nai.

"Tamén hai que pensar nos pais dese neno, que fixo o que fixo  pero penso que tiña que estar moi presionado para chegar a ese punto", reflexiona outra.

O rapaz quedou á disposición da Fiscalía de Menores.

"O presunto autor dos feitos ten 14 anos e, polo tanto, é imputable pola lei de responsabilidade penal do menor", explica o voceiro da Policía Nacional. 

Será sometido a unha avaliación forense para determinar se actuou con plena consciencia dos seus actos.