Un informe de Cepyme advirte que en España hai 150.000 empregos sen cubrir

As empresas españolas teñen dificultades para cubrir uns 150.000 postos de traballo. Faltan sobre todo algúns perfís tecnolóxicos. E agravan o problema o envellecemento do mercado laboral e a despoboación.

A patronal das empresas pequenas e medianas Cepyme quere que se redefina o papel do Servizo Público de Emprego.

"O estudio di que sete de cada dez empresas non atopan traballadores para a súa actividade. Advertimos un desacoplamento entre as políticas sociais e as políticas activas de emprego, non podemos ser un país subsidiado, hai que formar os traballadores para que atopen ese emprego", asegura Gerardo Cuerva.