Un incendio nun transformador deixa sen luz negocios e particulares nas Pontes

Os cables da fachada dun transformador situado nas Pontes de García Rodríguez arderon este luns, deixando sen luz os veciños que dependen del.

Tal e como confirmou Naturgy, recibiron un aviso pasadas as 14.30 horas. Ata o lugar desprazáronse os bombeiros do Parque do Eume, que, tras recibir o aviso de Naturgy de que a corrente estaba cortada, procederon a extinguir o lume.

Actualmente, os operarios están a traballar para poder restablecer o servizo. Polo momento descoñécese o número de clientes afectados.