Un incendio nun ático en Muxía obriga a desaloxar dezaseis vivendas anexas
O lume comezou no salón da vivenda, que sufriu danos importantes
Os veciños puideron volver ás súas casas despois de que os equipos de extinción apagaran o incendio
O incendio declarouse a primeira hora da tarde, nun ático da rúa Castelao, en Muxía.
Segundo relatou a propietaria, que nese momento estaba no domicilio con outra persoa, o lume comezou nun enchufe e deseguida prendeu no resto do salón. Ante a rapidez do incendio saíron da vivenda a alertaron os servizos de extinción.
O fume que procedía do ático fixo que toda a veciñanza saíra tamén do edificio, aínda que o resto de vivendas non chegaron a verse afectadas polo lume. Os efectivos de Protección Civil de Muxía conseguiron apagar as lapas e os bombeiros de Cee, que tamén foron mobilizados, fixeron labores de arrefriamento e ventilación.
Unha hora despois de declararse o lume os veciños puideron volver ás súas casas. O salón da vivenda incendiada sufriu danos importantes e o resto da vivenda viuse afectada polo fume.
