Cabo da Cruz confirma o seu descenso na Bandeira de Bueu da Liga ACT
A embarcación de Boiro queda última e descende logo de 12 temporadas na elite do remo
Ares, anfitrioa mañá, rematou no oitavo posto
Orio gañou nun emocionante final con Ziérbena e acariña a Liga
A Liga ACT volveu a Galicia para disputar a súa última fin de semana antes do play off. E na primeira das citas, a Bandeira de Bueu, consumouse o descenso de Cabo da Cruz.
A embarcación de Boiro partía cunha desvantaxe de nove puntos con Kaiku, en posto de play off, e non puido superar á súa rival. Pechou a primeira quenda e, cos resultados da segunda, os vascos meteron dúas embarcacións polo medio, aumentando a doce a vantaxe, con so unha proba en xogo, mañá en Ares. Así que o descenso é matemático.
Ares foi a oitava na regata e manténse no décimo posto. A bandeira foi para Orio, que aumenta a 28 puntos a renda con Ziérbena.
