Un incendio forestal en Rubiá obrigou a cortar a N-120
O lume, estabilizado en hora e cuarto, comezou na parroquia da Veiga de Cascallá
Medio Rural mantén vixilancia sobre outro incendio en Portugal próximo a Galicia
Imaxe de arquivo
Un incendio forestal en Rubiá obrigou este xoves a cortar ao tráfico a N-120 ao seu paso polo municipio, segundo informou o 112 Galicia.
A estrada permanece cortada no punto quilométrico 445, á altura da parroquia da Veiga de Cascallá, onde se iniciou o incendio ás 15:30 horas.
▶ Informamos de que a estrada N-120 atópase cortada ao tráfico no quilómetro 445, á altura da Veiga de Cascallá (Rubiá), por mor dun incendio forestal.
— 112 Galicia (@112Galicia) September 26, 2025
A Consellería do Medio Rural confirmou que o incendio quedou estabilizado ás 16:45.
No operativo de extinción traballan catro axentes, tres brigadas, dúas motobombas, un helicóptero e dous avións.
Ademais, Medio Rural mantén a atención posta nun incendio en Portugal próximo á parroquia de Rubiás, en Calvos de Randín, que polo momento non entrou en territorio galego.
