Cinco helicópteros e dous avións traballan para sufocar un incendio en Cospeito
O lume non afecta a núcleos habitados
Cospeito, este luns
A Consellería do Medio Rural despregou un importante número de medios terrestres e aéreos para tratar de controlar un incendio que permanece activo no municipio de Cospeito.
As elevadas temperaturas que se acadaron nesta xornada dificultan os labores de extinción.
O incendio comezou ás 16:07 horas na parroquia de Xermar, por causas que aínda se descoñecen. Polo de agora, a Consellería non ten unha estimación provisional das hectáreas queimadas, pero o lume non afecta a núcleos habitados.
Para controlar o incendio, o servizo de extinción mobilizou por terra tres axentes, doce brigadas, catro motobombas e unha escavadora. Polo aire, están participando nos traballos para sufocar o lume cinco helicópteros e dous avións.
