Publicador de contidos
Publicador de contidos

Un incendio calcina por completo unha vivenda deshabitada en Ourol

Un incendio calcina por completo unha vivenda deshabitada en Ourol

O lume iniciouse de madruga e o teito colapsou

Trátase dunha edificación emblemática na zona dado que albergara un salón de baile

G24.gal 19/03/2024 14:44

Un incendio puxo en alerta de madrugada os veciños de Bravos, no concello de Ourol. A vivenda, que tiña as vigas de madeira, cedeu moi rapidamente e o teito derrubouse.

"Sentimos un ruído moi forte, como uns petardos"; "Decatáronse por unha forte explosión que foi o momento no que caeu o lousado", explican no lugar.

Trátase dunha casa moi emblemática. Leva case 30 anos deshabitada ten moita historia na zona. Agora, con pena, son moitos os que pasan por aquí e afloran os recordos.

"Foi un salón de baile pero tamén un comercio no que se vendía de todo, ferretería, telas, ultramarinos..."; "Eu son da casa do lado e estaba nesta casa coma se fora na miña, para min é moi triste", relatan os veciños.

Non se sabe que foi o que provocou o lume, pero na zona moitos apuntan a que nos últimos días había xente no interior da casa e mesmo chegou a acudir alí a Garda Civil. 

Os equipos de emerxencias controlan agora a zona para evitar que as lapas revivan de novo.

Publicidade
Publicidade
Publicidade
Publicidade
Pódeche interesar