Cámaras de seguridade gravan o suposto asasino da estudante española en México

Cunha fotografía nunha cadeira baleira, rodeada de flores e candeas, así homenaxearon os seus compañeiros e profesores da Universidade Autónoma de Morelos a Claudia Tacoronte, a estudante española de 21 anos asasinada esta fin de semana en México.

"Todo era impecable con ela. Sempre coa mellor actitude, coa mellor enerxía. Sempre sorrindo, facía todo o que faciamos", di Frida, profesora de danza.

A moza canaria, que estaba no país azteca nun intercambio académico, foi acoitelada fronte á Casa da Cultura da cidade de Cuautla, onde se celebraba unha festa á que estaba invitada. 

A Fiscalía mexicana investiga os feitos como un presunto feminicidio, pero todo apunta a un roubo con violencia. "Alguén intentou roubarlle o móbil, un home. Botou a correr. El foi detrás dela e cravoulle un coitelo na barriga. Non unha vez, senón varias, polo visto", explica Laura, a irmá da vítima.

Ata o momento, a principal pista para dar co asasino é un vídeo gravado polas cámaras de seguridade, en que se ve un home fuxindo do lugar do crime.

Un familiar da moza asasinada viaxou a México para repatriar o cadáver.