Un incendio arrasa unha vivenda en Ourense

Estanse estudando as causas, pero todo fai indicar que puido ser un raio o que provocou o incendio que se rexistrou a pasada noite nunha vivenda ás aforas de Ourense, na zona de Vilar de Astrés.

O lume comezou no televisor do salón e deixou inservible o cuarto, despois o fume propagouse por toda a vivenda, que quedou moi afectada. Por sorte, o dono non estaba na casa nese momento e non houbo feridos.

Foi un veciño da zona o que alertou os servizos de emerxencia ao ver saír unha gran cantidade de fume da casa. Os bombeiros achegáronse deseguida para sufocar as lapas.

O dono observaba esta mañá a súa vivenda, calcula perdas cuantiosas porque os danos deixaron a casa inutilizable.